Imbes na puntahan ko si Amanda ay nakiusap ako kay Celso na sundan ang kotse na sinasakyan ni Bella. Patungo ang sasakyan na iyon sa isang subdivision na pamilyar sa akin.
"Hindi ba dito nakatira si Attorney Daniel, Openg?" may pagtatakang tanong sa akin ni Celso.
Tumango ako rito. Wala akong access sa isang bahay ni Daniel kaya naman hindi kami makakapasok ni Celso. Upang hindi makahalata si Bella ay tumigil ang sasakyan namin ni Celso sa tabi at hindi na nagpatuloy pa sa pagpasok sa loob dahil haharangin din naman kami ng guard.
"Ano bang ginagawa natin dito, Openg?"
"Wala naman, gusto ko lang sana na puntahan si Daniel pero wala tayong ID na maipakita sa guard."
Tumango-tango si Celso. "Bakit hindi na lang natin siya puntahan sa isa pang bahay niya? Baka nasa opisina si Attorney Da
