Nakaupo ako sa upuan kung saan kasama ako sa sampung tao na nasa loob ng funeral chapel. Walang mga kamag-anak ni Dante na nagtungo dito maliban sa attorney nito. Nagtataka ako kung bakit hindi pa nagpapakita ang mag-ina ni Dante. Siguro ay baka natatakot si Elaine sa mga press o kaya naman ay dahil iniisip nito ang sariling anak.
Maraming kasalanan sa akin si Dante. Gusto ko siyang makita na magdusa sa kulungan ngunit mas pinili nitong mamatay kaysa makulong. Biktima si Dante ng kasakiman ng sarili nitong ina. Hindi ko lubos na maintindihan o maunawaan na hindi naging kuntento si Donya Margaret sa kayamanan at naghangad pa ito ng malaki.
Nilapitan ako ni Amanda na kasalukuyan kausap kanina ang mga pulis na bantay. "Bukas na ang libing ni Dante, hindi siya p'wedeng magtagal dito at hinta
