RAM
Nasa opisina ako ng kumpanya ko at hinihintay ko ang pagdating ni Daniel. Nagulat ako nang mabalitaan ko na buhay pa siya. Kadarating ko lang galing sa America at masaya akong umuwi dahil una kong gustong puntahan ang mag-ina ko. Ngunit hindi ko alam kung tama pa bang puntahan ko si Penelope ngayon.
Kung may isang tao na unang makakaalam na buhay pa si Daniel ay si Penelope iyon. Hindi ko man alam kung paano o ano ang nangyari kay Daniel, ay masaya ako. Masaya ako para kay Penelope kahit na sobrang sakit ng nararamdaman ko.
Para akong sinaksak ng maraming kutsilyo. Ipinaparanas sa akin ng tadhana ang dapat kong maramdaman... at dapat lang ito sa akin dahil kasalanan ko ang lahat.
"Sir, nasa conference room na po si Attorney Daniel at---" Natigilan sa pagsasalita si Rayi ang assista
