Kumakain ng tanghalian sina Daniel, Joshua, Nathan, at pati na rin sina Manang Miding, Celso at si Manong Duarding sa may sala. Nagpasya naman ako na puntahan si Rux sa kuwarto nito na iniwan doon ni Joshua dahil naglalaro pa.
Dinalhan ko siya ng pagkain. Nagprito ako ng fried chicken at dala ko rin ang sauce. Nakabukas ang pinto sa kuwarto ni Rux. Naabutan ko siya na kausap ang mga robots na nakasalansan ng diretso sa tabi ng kama nito.
Inilapag ko sa maliit na lamesa ang pagkain ni Rux bago unti-unting lumapit sa anak ko.
"Kaibigan mo na pala sila," mahinang sabi ko.
Tumingin sa akin si Rux. "Bakit ka po nandito? Hindi ka na babalik sa kulungan?" inosenteng tanong ng anak ko.
Ngumiti ako at saka umiling. "Hindi na. Dahil ang mga taong walang kasalanan hindi sila ikinukulong."
Nagka
