Nang matapos ang kasal namin ni Rayi ay bigla na lamang siyang nawala. Hinanap ko siya sa mga kaibigan niya. Nakaramdam pa ako ng takot dahil iniwan na lang niya ako nang walang paalam kanina.
Nakita ko si Jing na kausap si Wenggay.
Tumingin sa akin si Wenggay na seryosong-seryoso ang mukha. Hindi ko alam kung makakasundo ko ang boyish na ito.
"Hinahanap mo si Rayi, sir?" tanong sa akin ni Jing.
"Nasaan ba siya?" mahinahon kong tanong.
"Ah, kasama kanina ni Aling Celia, sir. Baka nasa loob ng bahay." Tukoy nito sa dalawang palapag na rest house na may anim na kuwarto.
Tumingin ako sa orasan ko, alas onse na ng gabi.
"Salamat." Akma na akong tatalikod nang hawakan ni Wenggay ang braso ko.
"Alagaan mong mabuti si Rayi, sir. Ngayong kasal na kayong dalawa sana maging masaya kayo habam
