"Laro lamang iyon at hindi ko sineseryoso?" paulit-ulit na sabi ko sa aking sarili habang iniisip kung bakit iyon sinabi sa akin ni Rayi.
Ang babaeng iyon.
Hindi ko maalis sa aking isip ang mga labi nito. Tsk!
Sinapo ko ang aking noo at bumangon sa kamang hinihigaan ko. Alas dos na ng madaling araw ngunit hindi pa rin ako dalawin ng antok. Ginugulo ako ni Rayi... bumibilis ang t***k ng puso ko kapag naiisp ko siya. Pakiramdam ko kay bagal ng ikot ng aking mundo.
Nagtungo ako sa ibaba at naglakad patungo sa kusina. Uminom ako ng malamig na tubig para mahimasmasan.
Nang maibaba ko ang baso ay sumandal ako sa lababo. "Bakit ko ba siya iniisip?" tanong ko sa aking sarili.
Hindi ko alam kung bakit naging sentro ng isip ko kanina si Rayi. Halos sukatin ko ang ihahakbang ko patungo sa kaniy
