"Maayos na ba talaga ang pakiramdam mo?" tanong ni Sara kay Alexa habang naglalakad na sila sa kahabaan ng kalsada.
Patungo na silang magkaibigan sa bahay ng magiging amo nito. Ayon kay Sara, nang irekomenda ito ni Aling Josie sa kakilala nito ay ibinigay na rin daw ng matandang babae ang numero ni Sara sa kakilala nitong naghahanap ng kasambahay.
Nabanggit na sa kanya ni Sara na iisa lamang ang magiging trabaho nito at iyon ay ang magbantay ng isang tatlong taong gulang na bata. Ang dati raw na yaya ng bata ay kinailangan nang umalis dahil sa nakapag-asawa na ito. Iyon ang dahilan kaya naghahanap ng bagong kapalit ang magiging amo ni Sara.
Maganda nang trabaho iyon para sa kanyang kaibigan. Hindi kailangan na gumawa ng mga gawaing-bahay ni Sara sapagkat ang nais daw ng ama ng bata ay a
