AMIRA
"Puntahan muna natin sila sa club room, kasi baka nando'n silang tatlo. Sabay na lang din kayo ni Phobos papunta sa rooftop if trip niyong doon pa ring mag-usap," wika ni Rose. Kaklase ko siya, 'yon nga lang masyadong malayo ang upuan niya sa akin dahil inayos ng Homeroom Teacher namin ang seating arrangement noong first week pa lang.
"Uhm, may point ka. Sana naman magkakasama na sila at wala na sa detention si Phobos kung sakaling napasok man siya sa ro'n. Or, alam mo iniisip ko na baka pinag-community service 'yon. Kawawa kung sakali. Ni hindi nga marunong maglaba ng brief 'yon, eh, magwalis at maglinis pa kaya," tatawa-tawa kong wika kay Rose habang nakalingkis ang aking kamay sa kanyang braso. May paghilig pa ako ng ulo, kala mo talaga, matagal na ang pinagsamahan naming dalawa
