Point of view
- Emma Blair -
"Bakit ka ba kasi nila inaaway?" saad ko sa isang bata na nasa aking harapan.
Nakaupo siya sa isang bench ng aming school at ako naman ay marahang pinahiran ng bulak na may gamot ang kaniyang may sugat na tuhod.
"Aray! dahan-dahan lang, Emma," saad niya nang aking ilapat ang maliit na bulak. "Sa totoo lang hindi ko rin alam kung bakit nila ako inaaway. Palagi nila akong inaasar na spoiled daw ako at mataba," muli niyang saad.
Tumango-tango lamang ako sa mga bagay na kaniyang sinasabi.
"Bakit mo naman ako pinoprotektahan, Emma?" tanong niya.
"Ayoko kasi na may nakikitang inaaway ng ibang bata."
Matapos kong lagyan ng bandage ang kaniyang sugat, tumayo ako at pinilit kong i-akyat ang aking maliit na paa sa tabi ng bata na aking kausap
