Point of view
- Emma Blair -
Mabilis kong tinago ang hawak kong papel dahil malakas ang kutob ko na may koneksyon ang batang ito sa akin.
Ngunit ano kaya ang bagay na iyon?
Dalidali akong bumaba sa aming hagdanan. Alam ko namang nabigla lang si Lance kaya niya ako nasigawan.
Nagsimula akong mag-ayos ng hapag-kainan upang sa kanyang pagbalik ay kakain na lang kami.
Hindi rin naman nagtagal ang pag-alis ni Lance dahil mayamaya lang ay muli siyang bumalik na may bitbit na ulam.
Nababakas sa kanyang mukha ang pagsisisi at ang pagnanais niyang humingi ng tawad, kaya naman binigyan ko siya ng matamis na ngiti upang maipabatid sa kanya na naiintindihan ko ang kanyang ginawa, kahit na ang totoo ay naguguluhan pa ako.
Marahan siyang naglakad palapit sa aking kinaroro
