Malungkot na nagpaalam sa akin si Conan matapos niyang makilala si Kokoy.
Alam ko ang pakiramdam ng masaktan dahil nangyari na rin sa akin iyon.
Kahit na hindi pa masyadong matagal ang panunuyo ni Conan sa akin pero alam kong seryoso siya.
Ang siglang palagi kong nakikita sa tuwing dumadalaw siya sa amin ay nawala na.
Alam na kasi niyang uwian na, dahil ano naman kasi ang laban niya kay Kokoy?
Kahit na sabihin pa na pareho silang gwapo pero si Kokoy pa rin ang mahal ko.
At kahit napakabait niya sa akin at ang anak ko ay tinuring niya ring anak ay hindi ko kayang pilitin ang puso ko.
Si Kokoy ang ama ng anak ko at si Conan ay isa lamang sa mga manliligaw ko.
Kanina habang sinusulyapan ko siya ng hindi niya alam ay napansin kong pilit niyang pinapakita sa anak ko ang tuwa.
