Mula pa lang sa pagbaba ko ng kotse hanggang sa pag-apak ko sa sementong sahig na sakop ng simbahan ay mas lalo akong naguguluhan sa aking pakiramdam.
Matapos ng abala at mahabang pagpaplano sa kasal namin ni Kokoy kasama ang mga pamilya at kaibigan namin ay ito na nga!
Ang pakiramdam ko ngayon ay labis na kagalakan at pananabik na hindi ko maipaliwanag.
Nagliliparan ang mga paru-paro sa aking tiyan ngunit mayroon ding bahagi ng nerbiyos, pagkabalisa, kaba at takot na mas higit pa sa nararamdaman ko kanina sa hotel.
Parang wala sa sariling napahawak ako sa aking dibdib at dinama ang t***k ng aking puso.
Hindi nga talaga ako alien dahil nakakaramdam pa ako ng normal na pakiramdam ng mga tao.
Tiningnan ko si Mommy at Daddy na dahan-dahang lumalapit sa akin upang salubungin ako sa pin
