Nasa ward ako at kausap ang mga doktor na gumamot kay Daddy. Kasama ko rito si Justin at siya ang tinatanong ko kapag may hindi ako maintindihan sa sinasabi nila. Dito na ako dumiretso imbes sa kwarto ni Daddy. Sabi ni Justin na mas maiging dito na lang namin pag-usapan ang kung ano pa man ang sasabihin ng doktor ng ama ko.
Saglit lang naman ang naging pag-uusap namin. Hindi naman ito inabot ng isang oras dahil nag-round din ang mga doktor na nakausap ko.
Tanging ako lang ang dumalaw kay Daddy sa ospital. Si Alessandria ay naiwan sa bahay dahil masama ang kanyang pakiramdam. Actually ayaw ko siyang iwan kanina dahil umatake kasi ang morning sickness niya at ang hirap sa kanya na makita siyang nahihirapan. Ito rin marahil ang sanhi kung bakit masama ang kanyang pakiramdam nang magising s
