"TULALA ka yata, bro? Malalim ba ang iniisip mo o nasa ibang bansa ang iniisip mo?" pang-aasar sa kaniya ni Dark. Kasama niya ito na nag-unwind sa Pangasinan.
"Sira! Bakit ko naman iisipin si Jeni? Hindi nga siya sumasagi sa isip ko kahit na minsan."
"Liar! Hindi naman ako naniniwala riyan."
Tumawa na lamang siya sa sinasabi ni Dark. Hindi niya iniisip si Jeni dahil malaki ang kasalanan niya rito at para hindi na siya makonsensya ay pilit niyang kinakalimutan ang dalaga.
"Balik tayo sa usapan natin kanina. Iyong tungkol sa lupa ng mga Ramos, hayaan mo na lang na bakante muna ang plano doon, bro."
Siniko siya ni Dark. "Ayaw mong itulong ang resort na plano mo noon dahil nakokonsensya ka nga."
"Hindi sa ganoon, marami akong mga out of the country na business trips kaya hindi ko naasika
