"Bakla, alam mo ba kung nasaan si Lunnox?" tanong ni Sash sa akin. Nandito sila sa bahay ko at bigla na lang sumugod. Alas otso na ng gabi at sabay silang nagtungo rito.
"O-oo... na-nasa pa-party," pagsisinungaling ko. Hindi ko p'wedeng sabihin na kasama ni Caliver si Lunnox dahil alam kong magagalit sila sa akin. Hindi ko na rin makontak si Caliver kung saan ba talaga niya dinala si Lunnox.
"Party, kaninong party? Hindi ba ikaw personal na assistant niya bakit hindi mo siya kasama?" usisa sa akin ni Gracie.
"Da-Dahil nag-LBM ako kanina sa kinain kong lumpia. Bakit ba ang dami ninyong tanong? Huwag ninyong alalahanin si Lunnox dahil gusto niya na mag-travel mag-isa." Iniwasan ko ang mapanuring mga mata ni Gracie na dinaig pa ang investigator. "Hayaan na natin siya na mag-enjoy na walang
