PAGDATING ni Camia sa bahay niya ay kaagad siyang dumeretso sa banyo at naligo. Habang kinukuskos niya ng sabon ang kanyang dibdib ay saka lamang niya napansin na hindi na niya suot ang kuwintas niya. Natigilan siya. Hindi naman niya iyon hinubad. Hindi rin niya namalayang napigtas iyon. Posible kayang napigtas iyon habang katalik niya si Remus?
Hindi siya mapakali. Hindi puwedeng mawala ang kuwintas. Iyon na lang ang alaala ni Cole at nangako siya na iingatan iyon. Pagkatapos maligo ay naghapunan na siya. Ang dami na niyang iniisip kaya hindi siya makakain nang maayos. Hindi niya naubos ang pagkain niya. Ibinigay na lamang niya iyon sa mga aso.
Matapos mapakain ang mga aso ay pumanhik na siya sa kanyang kuwarto. Naalala niya. Simula ata noong natuklasan niya na nawawala si Cole ay hindi
