“UMUWI PO ba si Bia kagabi?”
“Ken, anak, hindi umuwi si Bia.”
Hindi agad nakapagsalita si Kennedy. Parang nagkaroon ng bara sa kaniyang lalamunan dahil sa sinabing iyon ng kaniyang ina. Pilit ding ina-absorb ang kaalaman na walang Zebianna ang umuwi kagabi sa kanila.
Huminga siya nang malalim. “Sa mga tauhan ni dad, may ibinalita po ba sila?”
“Negative rin, anak.”
“Okay, mom. Bye po muna,” aniya na minabuting puntahan sina Geo. Bihis na rin ang mga ito para sa meeting na dadaluhan nila sa umagang iyon. “Kailangan kong umuwi muna. May urgent lang,” aniya kina Geo at Jamil.
“Urgent?” Nagsalubong pa ang kilay ni Geo.
“Saka ko na lang ipapaliwanag. For now, kayo muna ang bahala sa meeting. ‘Yong mga gamit ko, kayo na rin ang bahalang mag-uwi. I really need to go,” aniya sa dalawang kapa
