MASAKIT NA ULO at masakit na katawan. Iyon ang naramdaman ni Bia nang magising siya. Nang rumihistro sa kaniyang isipan si Earl Laveign ay agad siyang napamulat ng mga mata sa kabila ng kaniyang nararamdaman ng mga sandaling iyon.
Tumahip agad nang mabilis ang kaniyang dibdib nang mamulatan ang medyo may kadiliman na silid. Hindi naman iyon totally na madilim. May munti pa ring liwanag na nanggagaling sa nakabukas na lampshade.
Ramdam niya na nakahiga siya sa malambot na kama. Kung ganoon, nasa isang silid na nga siya ng mga sandaling iyon.
“You will be mine tonight, Bia. Like it or not…” naalala niyang banta ni Earl Laveign sa kaniya na lalong nagpangilabot sa kaniya.
Nang bahagya siyang kumilos ay ramdam niya na hindi siya nag-iisa sa kama na kinahihigaan. May katabi siya!
Nangingin
