HINDI PA RIN makapaniwala si Bia na sarili niya ang nakikita niya sa harapan ng salamin. Dahil sa mga simpleng damit na suot niya at buhok na nakapusod ay kasimplehan niya ang nakalitaw. Pero ngayon na nabihisan na siya at naayusan. Nakulayan din ng chocolate brown ang kaniyang buhok. Ginupitan din iyon para naman hindi plain ang dating at ng magkaroon ng buhay.
“Oh, ‘di ba? Pak na pak ang ganda mo, girl,” nasisiyahang bulalas ni Elexa habang nakatitig din sa kaniya sa salamin. “Good luck sa first work mo.”
“Salamat, Elexa,” aniya sa kaibigan. Ito rin kasi ang nag-makeup sa kaniya ng araw na iyon.
Nang dalhin siya nito kahapon sa opisina ni Mamalu, ni wala ng maraming usap, agad siyang tinanggap sa trabaho. Kaya ngayong gabi ay start na rin siya. Agad siyang nakuhanan ng kliyente na pum
