BAGO ang mismong sandaling pagkikita nina Samarrah at ng kaniyang Nanay Agatha, dinala muna ni Bia sa isang salon ang kaniyang ina para makaranas naman ito na i-pamper. Kung nagawa nga sa kaniya noon ni Elexa, bakit hindi niya magawa ngayon sa kaniyang ina?
Nagpa-manicure ito, pedicure at nagpagupit din ng buhok. Pinakulayan din niya para mas maging bata itong tingnan kaysa sa totoo nitong edad na sixty five.
Ang sarap sa pakiramdam kapag ikaw mismo ang nakaranas na i-pamper ang sarili mong ina. Naroon ang satisfaction bilang anak. Lalo na at kita mo ang ngiti sa labi ng nanay mo na masaya sa kinalabasan ng bago nitong looks.
“Puwede ka na ulit mag-boyfriend, ‘Nay,” biro pa niya sa kaniyang ina.
Napatawa ito sa kaniyang sinabi. “Naku, anak, wala na isip ko ‘yan.”
“Hindi mo po ba na-mi
