“GUSTO MO BANG sumabay na pauwi?” pag-aaya pa ni Geo kay Bia nang oras na para umuwi.
“Ahm. Salamat na lang, Sir Geo.”
“Sir Geo?” gagad ni Geo sa sinabi niya na ikinatawa pa nito. “You’re too formal, Bia. Hindi ako sanay. Geo is fine.”
“Sige ho pero kapag nasa labas na lang ng planta saka kita tatawagin sa pangalan mo,” katwiran pa niya. Ayaw naman niya na feeling close sa mga Ladjasali. Baka makarating pa sa ibang empleyado.
“I hate too much formality, Bia. Lalo na at alam mo naman na hindi ka na iba sa pamilya.”
Nagbaba siya ng tingin. “Iba na ‘yong Bia ngayon sa dati ninyong nakakasama.”
“Kahit anong baliktad mo sa katotohanan, Bia, alam mong malaki ang connection mo lalo na sa mga magulang namin.”
Ngunit ang katotohanan na iyon ay ayaw kasanayan ni Bia na gawing advantage. Dahil
