SADYA NGA talaga yatang may nakaraan na hindi maaaring takbuhan habang buhay. Katulad na lamang nang nakatakdang pagsama ni Bia sa dating bahay na kinalakihan.
“Kennedy, kailangan ba talaga na ngayon na ako magpapakita sa m-mommy mo?” simula nang sabihin ni Kennedy ang plano nito para sa araw na iyon ay hindi na nawala pa ang kaba sa dibdib ni Bia.
Handa na ba talaga siya na humarap sa pamilya nito?
“Babe—”
“Kennedy,” apila niya. “‘Wag na ‘wag mo akong tatawaging babe sa harap ng pamilya mo.”
“Ano ba ang masama kung malaman din nila ang tungkol sa atin?”
“Tingin mo ba, makukumbinsi ang mga kapatid mo sa relasyon natin kung halos kakakita pa lang ulit natin? Siguradong may side comment sila na hindi sasabihin kapag kaharap ka. ‘Yon lang ‘yong pakiusap ko sa iyo. Magkunwari ka na wala
