DAHIL SA biglaang pagsama ng pakiramdam ni Samarrah, hindi na siya nakasabay pa na kumain ng hapunan. Nang magising siya ay ang kaniyang ina ang nag-asikaso sa kaniyang pagkain para makakain siya.
Nakaramdam siya ng lungkot nang hindi maramdaman ang presensiya ni Azriel. Gusto niyang magtanong sa ina kung nasaan ang binata, hindi naman niya magawa.
“Kumusta na ang pakiramdam mo, anak?” masuyong tanong sa kaniya nang kaniyang ina.
Nang mapatingin siya sa kaniyang ina ay hindi agad niya inalis ang tingin sa mukha nito na kahit may edad na ay hindi iyon basta-basta mahahalata dahil sa pagiging maalaga nito sa sarili.
“Medyo okay na po, mommy.”
“Sige na, anak, kumain ka na muna. Hmmm? Mamaya na tayo magkuwentuhan,” anang Mommy Tami ni Samarrah na hinaplos pa sa buhok ang anak.
Tango na l
