NANG MAGISING si Samarrah ay para bang kay gaan ng kaniyang pakiramdam. May ngiti pa sa kaniyang mga labi nang mag-inat siya ng mga kamay. Lalong lumawak ang ngiti sa labi ni Samarrah nang makita niya si Azriel sa tabi niya na tulog pa rin.
Kahit tulog, napakaguwapo nito. Ang sarap pagpantasyahan. Maingat niyang hinaplos ang pisngi nito.
Akala niya ay hindi ito magigising. Pero naalimpungatan pa rin si Azriel. Pupungas-pungas na nagmulat ito ng mga mata.
“Love…” anas nito na ipinulupot pa ang isang kamay sa may baywang niya at hinapit siya nito palapit sa katawan nito.
“Bangon na po.”
Ipinikit muli ni Azriel ang mga mata at isiniksik pa ang mukha nito sa may buhok niya. “Antok pa ako, Love.”
“Mamayang gabi, wala ka ng itutulog pa.”
“Hmmm.”
Tumagilid siya ng higa paharap sa nobyo at
