“MAGAGALIT ANG Kuya Ken mo kung bigla na lang akong mawawala rito,” saway ni Bia kay Jamil na nag-aaya na naman sa kaniya na sumama rito sa lunch.
“Hayaan mo na si Kuya Ken, malaki na ‘yon,” ani Jamil. “Tara na. Sandali lang naman tayo roon.”
Napatingin si Bia sa pinto ng opisina ni Kennedy nang bumukas iyon at iluwa ang nobyo. Lihim na napalunok si Bia.
“Kinukulit ka na naman ba ni Jamil?”
Nakapamulsa na pumihit paharap si Jamil sa kapatid nito. “Hindi ako nangungulit, Kuya Ken. Lunch break naman. Inaaya ko si Bia na kumain.”
“Treat mo?” tanong pa ni Kennedy sa kapatid.
“Oo. Alangan namang si Bia ang pagbayarin ko?”
“Tara,” baling naman ni Kennedy kay Bia.
“Ha?”
“Manlilibre daw ng lunch si Jamil.”
“Hey. Hindi ikaw ang inaaya ko, Kuya Ken. Si Bia lang.”
“Sayang ang oras,” pambab
