DAHIL TULOG na tulog na si Zebianna, kaya naman pinangko na lang ito ni Kennedy papunta sa silid na mas kumportable itong makakatulog.
Nang makita ito kanina na mukhang malalim na ang tulog ay hindi na siya nangahas pa na gisingin ang dalaga. Tiyak na wala itong maayos na pahinga sa loob ng maghapon. At sigurado siya na masyado itong stress sa mga nangyari. Lalo na nang makita siya nitong muli. At ni hindi man lang nito itinatanggi ang bagay na iyon. May parte niya na animo kinukurot sa tuwinang mas gugustuhin ni Zebianna na mawala siya sa landas nito.
Hindi ba talaga ito natutuwa na makita siya? Samantalang siya, kabaligtaran naman nito.
Maingat na inihiga ni Kennedy si Zebianna sa malambot na kama. Kinumutan din niya ito para hindi lamigin dahil sa malakas na buga ng aircon sa loob ng
