MATAPOS kumain ng dinner ay dinala naman si Bia ni Kennedy sa Sky Tower kung saan mayroong pag-aaring condo unit si Kennedy. Isa sa pinakamataas na gusali ang Sky Tower sa buong Pagbilao City. Dahil ayaw niya na sumama rito pauwi sa bahay ng mga ito sa Valle Encantado Village, kaya naman doon muna siya nito pinag-stay.
Eleven years ago, wala pa ang matayog na gusaling iyon sa Pagbilao City.
“S-sandali,” pigil niya kay Kennedy nang sa pagbaba niya sa kotse ay hawakan nito ang isa niyang kamay. “‘Yong kamay ko,” ani Bia na hindi magawang salubungin ang tingin ni Kennedy nang balingan siya nito.
“Hawak ko,” pamimilosopo pa nito sa kaniya.
“B-bitiwan mo. K-kaya ko namang maglakad, eh. At saka… baka may makakita sa atin.”
Binitiwan ni Kennedy ang kamay niya. Binuksan nitong muli ang kotse
