“HI,” nakangiti pang bati ni Adreline kay Sam.
Nasa may back porch si Sam sa bahay ng mga ito. Wala ng mga sandaling iyon si Azriel dahil kasama ng ama nito sa kompanya. May mga kailangang i-settle si Azriel bago sila umalis pauwi sa Pilipinas at iyon ang inaasikaso ngayon ng kaniyang nobyo. Alam niya na magiging abala si Azriel kaya hindi na niya mas pinili na sumama rito kahit inaaya siya nito.
“Hi,” ganti ring bati ni Sam kay Adreline. Sa tantiya ni Sam ay nasa early twenties pa lamang ito. Pero alam niya na mas ahead siya rito.
“Are you feeling at home here, Sam?” tanong pa nito nang maupo ito sa tabi niya.
“Kinda,” tipid niyang sagot.
“Well, I want to be frank with you,” mayamaya ay seryoso nitong wika.
Napakurap-kurap tuloy si Sam. May problema ba? Ayaw ba ng mga ito na magkasa
