MAY NGITING sumilay sa labi ni Sam nang humayon ang tingin niya kay Azriel. Iyon ang unang beses na may nakapasok na lalaki sa apartment niya sa New York City.
Sino ba ang makakapagsabi na sa muli niyang pagbabalik sa lugar na iyon ay kasama pa niya ang lalaking pinakamamahal?
Kadarating din lang nila halos sa bahay niya mula sa napakahabang biyahe. Nagpa-deliver na lang din siya ng pagkain nila na magana nilang pinagsaluhan kanina.
“Masyadong malaki itong apartment mo para sa iyo. Are you sure, wala kang kasama rito?”
“Wala nga po. Alam mo naman si mommy at daddy, ayaw na titira ako sa maliit na apartment. Gusto pa nga nila na kuhanan ako ng yaya. Pero tinanggihan ko kasi hindi ako matututo sa buhay kung aasa ako sa iba. Simpleng gawaing bahay na nga lang hindi ko pa magawa. May studi
