ANG TANGING nasa isipan lang ni Tami ng mga sandaling iyon ay ang mailigtas si Zebianna. Kailangan nito ng dugo at handa siyang ibigay ang dugo niya rito. Kahit gaano pa kadami.
“Ma’am, relax lang po,” bilin sa kaniya ng nurse na nasa tabi niya.
“Please, save my daughter,” naluluha na namang wika niya. Mariin siyang napapikit.
Hindi pa niya alam kung paanong nangyaring napapunta si Zebianna kay Agatha. Iyon ang gusto niyang malaman. Nangako naman si Agatha na sasabihin nito lahat sa kanila once matapos ang operasyon ni Zebianna at maging okay na ang pakiramdam niya matapos siyang kuhanan ng dugo.
Mahigpit ding ipinagbawal ni KG kay Agatha na ipaalam sa iba lalo na kay Shantal na alam na nila ang tungkol sa katotohanang tunay nilang anak si Zebianna. Dahil baka makapagtago pa ito ng wal
