ISANG PUNO sa back pack ang dadalhing gamit ni Bia sa pag-alis sa apartment. Mga damit lang naman niya ang laman niyon. May dala rin siyang birth certificate niya. Kung ayaw iwan ng kaniyang ina ang kinakasama nito, wala na siyang magagawa pa roon. Sa kabila ng kahirapang tinatamasa sa buhay, sa kaya niyang paraan, gusto pa rin niya na makaraos sa araw-araw. Ayaw niyang habang-buhay na hirap na hirap ang pakiramdam. Napapagod na siya sa totoo lang. Minsan, parang gusto na lang niyang maglaho na parang isang bula.
Panahon na rin siguro para tumayo siya sa sarili niyang paa. Tutal, ganoon din naman halos ang dinaranas niya. Ang kaibahan lang, kasama niya ang kaniyang ina sa ngayon.
“Ano ba kasi ang ayaw mo kay Deign, Bia? Mapera kaya ‘yon,” untag pa sa pananahimik ni Bia ng kaniyang katrab
