NAPAKISLOT si Tami nang maramdaman ang pagpulupot ng mga braso sa kaniyang tiyan buhat sa may likuran niya. Nang lumingon siya ay sinalubong pa siya ng halik ni KG sa kaniyang labi. Napangiti siya.
Minabuti ni Tami na pumihit na ng tuluyan paharap sa kaniyang asawa. Mahigpit pa siya nitong niyakap. Kadarating lang nito galing sa trabaho.
“How’s your day?” masuyo pang tanong ni KG sa kaniya.
“Okay naman. Hapon na kami nakauwi ni Zebianna.” Nagpaalam naman siya sa kaniyang asawa kaninang umaga sa balak niyang paglabas kasama si Zebianna. “Akala niya, mawawala ang scholarship niya dahil sa nangyari sa university.”
“And?”
“Inamin ko sa kaniya na alam ko… natin na wala talagang namamagitan sa kanila ni Geo.” Gumuhit na naman ang ngiti sa kaniyang labi nang maisip si Zebianna. “Alam mo, hub
