ANIMO nabunutan ng tinik si Kennedy nang makita ang pagdating ng mga magulang niya kasama si Zebianna.
“Saan po ba kayo galing?” tanong pa niya nang salubungin ang mga ito. Nag-bless siya sa kaniyang ama’t ina. Pagkuwan ay ikinulong agad niya sa kaniyang mga bisig ang na-miss niyang nobya.
“May pinuntahan lang kami. Na-miss mo agad si Bia?” nangingiti pang tudyo ng kaniyang ina.
“Sobra. Tapos, wala man lang sumasagot sa tawag ko,” aniya na bumaling ng tingin kay Zebianna. “Bakit cannot be reach ang cell phone mo?”
“Low bat, kaya hindi ko na dinala ‘yong cell phone ko.”
“Naiwan naman sa sasakyan ‘yong cell phone namin ng daddy mo,” katwiran naman ng kaniyang ina na nagpaalam na aakyat muna sa taas. Sumunod naman dito ang kaniyang ama.
“Babe, next time na aalis ka, baka naman po puwede
