MAGKASABAY sina Azriel at Zebianna habang naglalakad sa may hotel lobby. Paalis na rin sila sa Alager ng mga sandaling iyon.
Palabas na sila ng hotel nang makasalubong nila si Aliyah na nagulat pa nang makita si Azriel na kasama niya.
“W-what are you doing here, Azriel?” tanong pa ni Aliyah kay Azriel.
Nang huminto si Azriel sa paglalakad ay huminto rin si Zebianna. Hindi niya inaalis ang tingin kay Aliyah na hindi magawang tumingin sa kaniya.
Paano mo ‘yon nagawa sa akin, Aliyah? tanong niya sa kaniyang isipan.
“B-bakit kasama mo rin si Zebianna?”
“Do I owe you an explanation?” sa halip ay malamig na balik-tanong ni Azriel kay Aliyah na sandaling ikinatameme ng babae.
Hindi makatingin sa kaniya si Aliyah. Sa ganoong reaksiyon pa lang nito, nasisiguro ni Zebianna na guilty ito sa pl
