ABOT-LANGIT ang kaba ni Zebianna habang binubuksan niya ang maliit na gate. Wala na ang kotse ni Azriel sa may garahe. Siguradong nasa may parke na iyon.
Ngunit halos tumalon ang puso niya nang makita ang pagparada ng isang magarang sasakyan sa tapat ng gate. Si Sir KG ang bumaba sa may driver side.
Hayon na naman ang ngiti sa labi nito na agad sumilay nang makita siya.
“Good morning po, Sir KG,” magalang pa niyang bati rito nang makalabas din siya ng gate.
“Good morning, Zebianna. May lakad ka ba?” tanong pa nito na napatingin sa kaniyang backpack.
“A-ah. Opo. May group project po kami ngayong araw.”
“How are you?” tanong pa nito sa kaniya.
“Okay lang po.”
Saka lang niya nakita si Ma’am Tami nang pagbuksan ito ng pinto ni Sir KG sa may passenger side ng kotse nito.
“Good morning
