FAYE
Gaya ng dati, parang walang tampuhan ang nangyari kaninang umaga nang umuwi si Sir Adi. Humingi naman siya ng sorry sa akin at nagpaliwanag kung bakit ganoon ang naging tanong niya kanina.
Tinanggap ko na lang ang kaniyang dahilan at hindi na nagtanong pa dahil hindi talaga maganda ang aking pakiramdam.
Dito na rin ako namalagi sa loob ng silid. Naidlip rin ako at muling nagising nang gisingin ni Sir Adi dahil kakain na kami ng hapunan.
Kahit mabigat ang aking pakiramdam, ay bumangon ako at bumaba sa kama. Pumasok muna ako sa banyo at naghilamos bago lumabas ng silid para kahit paano ay presko ang pakiramdam ko.
Handa na ang hapag nang pumunta ako sa dining room, pero nagtaka ako nang hindi ko makita si Sir Adi dahil ang akala ko'y nauna na siya dahil wala siya sa loob ng aming s
