FAYE
“Sorry po, Mama,” nakayuko kong humihingi ng paumanhin sa aking ina.
“Halika dito, Faye,” utos sa akin ni Mama.
Napakurap ako at napatingin kay Sir Adi. Alam ko na makakatikim ako ngayon ng kurot mula sa aking ina at kapag minamalas pa, baka mapalo pa ako ni Mama.
“Lumapit ka dito!” matigas ang tinig na utos ng aking ina.
Isang malalim na buntonghininga ang pinakawalan ko bago hinatak ang aking kamay mula sa pagkakahawak ni Sir Adi.
Dahan-dahan akong humakbang at lumapit kay Mama habang nanginginig ang mga tuhod at kinakagat ang aking pang-ibabang labi.
“Kailan ka pa nagpakasal sa lalaking iyan?” Napapikit ako nang ituro ni Mama ang asawa ko.
Sinabi ko sa kaniya kung kailan kami nagpakasal ni Sir Adi, pero nakita kong hindi maganda ang naging resulta ng ginawa ko dahil biglang
