FAYE
“Fvck!
“Mama!”
Gulat na napatayo si Sir Adi habang ako naman ay napasigaw nang biglang may isinaboy na kung ano sa amin si Mama.
Nanlaki ang mga mata ko nang makita kong may hawak siyang rosaryo sa kaliwang kamay habang kikip ng braso ang garapon na siyang ginagamit naming lagayan ng asin sa kusina.
Lumapit si Mama kay Sir Adi at pinagmasdan niya ang asawa ko habang abala ito sa pagpapagpag ng asin sa kaniyang ulo at suot na damit.
“Ayos ka lang ba?” tanong ni Mama kay Sir Adi habang hindi niya inaalis ang tingin sa asawa ko. “May nagbago ba sa iyo? Gusto mo pa ba ang anak ko?”
“Mama, ano pong ginagawa mo?” naguguluhan kong tanong sa aking ina.
“Tumahimik ka, Faye!” malakas na sabi ng aking ina.
Hindi pa rin niya inaalis ang mga mata sa asawa ko at para bang may hinihintay s
