FAYE
Tumabi si Don-Don kay Sir Adi at sila na ang nag-usap. Kaming dalawa naman ni Mama ay mahinang nag-uusap at pinag-uusapan namin ang tungkol sa nalalapit na operasyon ng aking ama.
“Mabuti na lang at mabait ang pamilya ni Ate Danaya mo, Faye,” sabi ni Mama sa akin. “Hindi nila tayo pinabayaan ngayong kailangan natin ng tulong.”
Ganoon pala ang nasa isip ng aking ina nang sabihin ko sa kaniya na nagbigay ng tulong ang pamilya ni Sir Adi sa amin. Hinayaan ko na lang ito para hindi na siya magtanong sa akin kung bakit nakahanap agad ako ng malaking halaga para sa operasyon ni Papa.
“May sarili pong ospital ang mga pinsan mo, Ma'am,” narinig naming sabi ni Sir Adi, kaya pareho kaming napatingin ni Mama sa kaniya.
“Malaki at maganda ang serbisyo ng mga ospital na pag-aari po ng aking
