FAYE
Hindi nga umalis dito sa bahay sina Daddy, pati na rin si Sebastian Mondego. Kahit natulog na ako, nandito pa rin sila nang magising ako at bumaba dito sa ground floor.
Nagulat rin ako nang makita ko si Cynthia. Hindi ko inaasahan na pupunta siya dito sa Laguna ngayong araw, kaya hindi agad ako nakahakbang palapit sa kanila dahil pakiramdam ko'y napakabigat ng mga paa ko.
“Anak, come here,” tawag sa akin ni Daddy.
Silang tatlo lang ni Sebastian at Cynthia ang naabutan ko dito sa sala dahil naliligo pa si Sir Adi nang iwan ko siya sa loob ng banyo.
Kagigising ko lang ngayon dahil nakaramdam ako ng antok kanina matapos kumain ng tanghalian. Masakit rin ang aking ulo at mabigat ang pakiramdam ko sa aking katawan, kaya bumaba muna ako para magpahangin sana, pero nakita kong dumating
