FAYE
Napagalitan tuloy ako ni Mommy. Pinagsabihan ako ni Daddy at mahinahon na kinausap, pero hindi ganoon ang naging reaksyon ng aking ina. Hindi pala dahil ngayon lang kami nagkaayos ay ligtas na ako sa kaniyang sermon. Pinagalitan niya ako kasi naging padalos-dalos daw ako at inilagay ko ang aking sarili at ang mga anak ko sa panganib.
Si Sir Adi naman, sinabi sa mga magulang ko na selosa daw ako, kaya kaunting kibot ay inaaway ko siya. Tapos, kahit hindi naman ako marunong humawak ng baril, ay binaril ko siya.
Paanong hindi ako magagalit sa kaniya, eh, kahit saan ako magpunta, problema ko palagi sa kaniya ang mga babae.
Lahat ng lugar na pinuntahan ko, palagi akong may nasasagap na kuwento tungkol sa mga babae niya noon. Mabilis tuloy akong nagagalit kapag nakakakita ako ng damit p
