FAYE
Hawak ko ang cellphone ni Sir Adi nang marinig kong bumukas ang pintuan sa banyo. Akala ko'y magagalit siya dahil sinagot ko ang tawag ng kaniyang kapatid, pero wala akong narinig nang sabihin ko sa kaniya na nakausap ko si Adirah.
“Tawagan mo raw siya,” sabi ko kay Sir Adi.
Nakatapis siya ng tuwalya at nagpupunas ng basang buhok gamit ang isa pang puting tuwalya nang lumapit sa akin.
“Okay,” sagot ni Sir Adi.
“Please dial her number,” pakiusap niya, pero umiling ako.
“Hindi ko alam ang number ni Adirah.”
Sinabi niya na pindutin ko raw ang number one, at lalabas na ang numerong gamit ni Adirah.
Naka-lock naman ang screen ng cellphone niya, kaya inabot ko ito kay Sir Adi para buksan, pero sinabi niya sa akin ang password.
Araw pala iyon ng kasal namin, kaya madali ko lang nabu
