FAYE
Matapos ang mainit na tagpo sa aming dalawa ni Sir Adi sa ibabaw ng kama, sabay kaming naligo. Nagpaalam agad sa akin na aalis ang asawa ko nang makapagbihis na siya dahil pupuntahan niya ang kaniyang lolo.
Naiwan akong mag-isa dito sa silid. Dala na rin ng puyat kagabi at pagod sa pagniniig namin kanina ng asawa ko, nakatulog agad ako nang umalis siya.
Hatinggabi na nang magising ako. Nagulat ako nang makita kong nakaupo sa tabi ko si Sir Adi at para bang pinagmamasdan niya ako habang natutulog.
Dahan-dahan akong bumangon at inaantok na sumandal ang likod at ulo sa headboard ng kama.
“Kadarating mo lang ba?” tanong ko kay Sir Adi.
“Kanina pa,” sagot ng asawa ko.
Sumulyap ako sa nakasabit na orasan sa dingding, kaya nakita kong lagpas ala-una na pala ng madaling araw.
“Bakit
