FAYE
“Babae, bakit ngayon ka lang?” tanong ni Brando sa akin nang umupo ako sa kaniyang tabi.
“Traffic,” pagdadahilan ko para hindi na niya ako tanungin.
Nahuli ako dahil hindi agad ako nakababa ng sasakyan ni Sir Adi kanina. Nagpadala naman ako sa kaniya ng text message kanina at sinabi kong huwag na nila akong hintayin ni Lorabel dahil hindi ko alam kung anong oras ako makakapasok.
Tahimik si Lorabel habang nakatingin sa kaharap na aklat, pero mukhang hindi naman siya nagbabasa dahil nakikita kong tulala ang kaibigan namin.
“Ayos ka lang ba, Lorabel?” pabulong kong tanong para hindi marinig ng mga kaklase at professor namin.
“Oo,” mahinang sagot ni Lorabel.
“Bakit parang matamlay ka?” Hindi sumagot ang kaibigan ko, pero ngumiti siya sa akin.
Hindi na ako nagtanong pa dahil nakita
