FAYE
Dahil naiinggit ako sa mga kaharap ko, humingi ako ng isang pirasong Indian mango. Mabuti na lang at may isa pang natira, kaya agad itong ibinigay sa akin ng tauhan ng asawa ko.
“Ma'am, baka gusto mo rin ito,” alok sa akin ng katabi ni Mang Zarex.
Gumawa ng ibang bagong sawsawan si Armida, pero hindi ko ito nagustuhan. Ang sabi ni Manang Norma, mayroon pa raw kaming bagoong sa kusina, kaya tumayo siya para kunin ito at ibigay sa akin.
Amoy pa lang ay natatakam agad ako, kaya hindi ako tumanggi nang bigyan ako ni Manang Norma ng bagoong.
“Honey, are you sure you can eat that?” tanong sa akin ng asawa ko.
“Titikman ko lang,” sagot ko.
Ayaw ko rin kumain ng marami dahil gabi na, pero nang natikman ko ang manibalang na mangga ay nagustuhan ko na rin, kapares ang bagoong.
“Masarap
