FAYE
Hindi pa nagtatagal nang pumasok sa loob ang kapatid ko nang bumukas ang pintuan at sinabihan niya kaming pumasok na kaming dalawa ni Sir Adi dahil pinatatawag kami ng aming mga magulang.
Sabay kaming pumasok ni Sir Adi. Magkahawak pa rin kami ng aming mga kamay, at hanggang ngayon ay hindi ito binitawan hanggang umupo kaming magkatabi sa harap ng aking mga magulang.
Tahimik ang lahat, pero ramdam ko ang bigat ng atmospera sa buong silid. Mukhang hindi naman ito napansin ng kapatid ko dahil naglagay siya ng headset sa tenga at pumasok sa silid na laan para sa kanilang dalawa ni Mama.
“Mas mabuting magpokus ka muna sa pag-aaral para hindi ka mabuntis nang makapagtapos ka, Faye,” narinig kong sabi ng aking ina sa akin.
Napakurap ako at hindi agad nakapagsalita. Hindi na bago sa aki
