Sunod-sunod na katok sa pinto ang nagpagising sa akin. Dahil kami lang naman ni Xepona ang narito, basta na lang akong bumangon at pupungas-pungas na nagtungo sa pinto at binuksan iyon.
Parang naitulos sa kinatatayuan si Kuya Columbus na siyang nabungaran ko.
Nang papalapit na ang dalawa ko pang Kuya ay agad nitong hinawakan ang doorknob, saka hinila iyon pasara.
Napatulala ako sa saradong pinto.
Nag-isip pa ako kung bakit ginawa iyon ng kuya ko.
Para akong sinampal nang mauunawaan ko ang dahilan kung bakit naging gano'n ang reaction ni Kuya Columbus.
Bumagsak ang tingin ko, sa dibdib kong bakat na bakat sa blouse ko, at sa kakarampot na tela na suot ko sa ibaba.
"Lupita, ang tanga mo." Usal ko sa sarili. Sinabunutan ko pa nga ang buhok ko, dahil talagang napaka-reckless ko.
