ZACH
Magda-dapithapon na nang makarating kami ni Sophia sa Pilipinas. Inihatid ko ito sa kanyang bahay at napag-usapan na rin namin na tatawagan na lang ang isa't-isa kapag balak naming magkita. Gusto niyang namnamin ko ang pagkakataong ito na makasama ang aking pamilya at gano'n din siya na nirerespeto ko naman. Mahigit isang buwan na rin ang nakakalipas noong tanggapin niya ang pag-ibig ko na matagal ko nang hinintay kaya siguro ay hindi magiging mahirap sa akin na hindi kami magkita ng isa o dalawang araw.
"Alam kong pagod ka kaya magpahinga ka na, ah? Kami na ang bahala sa ligpitin sa baba. At wag ka na ring mag-alala sa kapatid mong si Zandra dahil nakapagpaalam na sa akin kanina na kina Kate raw siya makikitulog ngayon," sabi ni Mama.
Tumango ako tapos akin siyang nginitian. I mi
