Marami silang pinamili na pagkain ni Vivian nang pumunta rito sa isla kaya punong-puno ang refrigerator ni Hendrix. Bukod pa sa may personal staff itong naghahatid ng pagkain doon. Kaya dinamihan na ni KMJS sa pagluto. Halos lahat ng natatandaan niyang paboritong pagkain ng kaniyang amo tuwing almusal ay niluto niya.
Ngunit lahat nang iyon ay nasayang lang dahil hindi naman ito kumain. Nagtimpla lang ito ng kape at kumain ng biscuit. Pagkatapos ay umakyat na ito sa kuwarto at maghapon na hindi lumabas. Pabor naman iyon sa dalaga. Mas makakakilos siya nang maayos kung hindi ito paali-aligid.
Ginamit ni KMJS ang pag-iisa niya para malinis ang maid's quarter at mailipat doon ang mga gamit niya. Pagkatapos ay naglinis din siya ng mansiyon kahit wala naman gaanong ligpitin dahil walang kala
