"S-Sir Hendrix?"
Ilang beses pang kumurap-kurap si KMJS para lang siguruhin na hindi siya nananaginip o namamalikmata lang. Nasa kasarapan kasi siya ng tulog at napapanaginipan pa niya ang paghalik na ginawa niya kay Hendrix kagabi, nang maramdaman niyang gininaw siya at eksakto naman na may nagkumot sa kaniya kaya nagising ang diwa niya.
Pagkatapos ng ilang beses na pagkisap-kisap ni KMJS at hindi pa rin nawawala sa paningin niya ang amo ay doon lang niya nasigurong hindi siya nananaginip o namamalikmata lang. Talagang nasa paanan niya ito.
Dahil doon kaya mabilis siyang napabalikwas ng bangon. Hindi na niya nagawang humikab at umunat. Natataranta na tumayo na agad siya.
"G-good morning, Sir! Kanina pa po ba kayo diyan?" tanong niya rito sa kaswal na boses. Kahit ang totoo ay dumadag
